Transcription
1
Monsieur de Gordes, estant le sieur de Lombes de retour vers moy, il m’a apporté les lettres
2
patentes du roy et la myssive cy-enclose que je vous envoye par Seigneuret, l’un de
3
mes secrétaires, présent porteur, expressément, affin qu’en toute dilligence, comme sa
4
majesté vous ordonne, vous faictes lever et assembler les quatre compagnyes qu’elle
5
veult estre levées au gouvernement et aux despens du païs de Daulphiné, pour les
6
raysons spécyffiées ausdites lettres, dequoy je vous prye bien fort, estant résolu, avec
7
cella et les autres moyens qu’il a pleu à sadite magesté, de me metre en
8
campaigne le plus promptement que je pourray pour ne perdre temps. Ledit Seigneuret
9
vous discourira la teneur de la dépesche dudit sieur de Lombes et mes résolutions, auquel
10
m’en remectant, je n’alongeray la présente que pour vous pryer de vous approcher
11
de deça après voz estatz finys, affin que plus facyllement nous puyssions conferer ensemble, sellon les occurances qui nous survyendront ; et que de ma part je reçoipve
12
ce plaisir d’avoir voz bons advyz au besoing. Au demeurant pour ce que je ne puys
13
en façon du monde recouvrer des pyonnyers de deça en si bon nombre qu’ilz me seroint necessaires,
14
je vous prye que par mesme moyen vous en faictes faire une levée de deux cens,
15
accomodez de picz, houyaulx et pelles, et qu’ilz soint habillez tous d’une lyvrée affin que
16
quant ilz s’en vouldroint retournez, ilz soint remarquez aux passaiges. Vous pouvez bien faire
17
estat de la solde desdites compagnyes pour six moys, durans lesquelz je me promectz que
18
nous avons pour le moingtz besoigné tailles. Si au retour de cedit porteur, qui s’en va
19
jusques à Lyon vers monsieur de Mandellot, vous me voullez faire entendre de voz
20
nouvelles, me ferez fort grand plaisir, vous priant pour la fin croyre que je vous
21
suis et seray toute ma vye aultant affectionné que personne de ce monde pourroit
22
estre, et d’aussi bonne vollunté qu’en cest endroit je me recommande à voz bonnes grâces,
23
priant le Créateur vous donner, Monsieur de Gordes, en bonne santé, longue et
24
heureuse vye. De Beaucaire, ce IXe décembre 1572.
25
Votre plus affectionné parfaict amy
26
H de Montmorancy